Lækka kommunuskattin tvey prosentstig

Lækka kommunuskattin tvey prosentstig
Skattaprosentið í Eiðis kommunu lækkar ætlandi tvey prosentstig, úr 20,75 prosentum niður í 18,75 prosent
Sambært uppskotinum um fíggjarætlan fyri 2016, lækkar skattaprosentið í Eiðis kommunu við tveimum prosentstigum næsta ár
 
06.11.2015 - 16:35

Jógvan í Skorini, borgarstjóri á Eiði, sigur, at sambært uppskotinum um fíggjarætlan fyri 2016, lækkar skattaprosentið næsta ár.

Barnafrádrátturin verður sambært uppskotinum tann sami sum í ár, 7.500 kr. Men, sigur borgarstjórin, treytin er, at landið ongar stórar fíggjarligar byrðar leggur á kommununa.

Góð útlit geva rúm fyri skattalækking

Tað ber til at lækka skattaprosentið á Eiði, tí útlitini hjá kommununi eru framúr góð, stóru inntøkurnar í ár og metingin fyri 2016 loyva lækkingini, sigur Jógvan í Skorini.

Í uppskotinum um fíggjarætlan fyri 2016 eru eisini nakrar stórar íløgur. Ítróttar-, bygdar- og frítíðarskúlahús til 300 fólk skal byggjast við fótbóltsvøllin í Hólmanum. Tað skal vera liðugt næsta ár.

Mentanarmiðdepilin við skúlan skal eisini gerast liðugur. Har eru venjingarhøli til tónleikarar og høli til fyrilestrar og biograf. Uppskotið um fíggjarætlanina hjá Eiðis kommunu fyri 2016 skal til fyrstu viðgerð týsdagin.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858