Brúgvin liðug seinni í mánaðinum

Tað var úrslitið av fundi ímillum byggifelagið og tekniska stjóran hjá kommununi mikudagin. Tað eru framvegis trupulleikar við brúnni, sigur Mikael Viderø, tekniskur stjóri hjá Tórshavnar kommunu, við útvarpið.

Tað hevur gingið illa at gera brúnna, tí av fyrstan tíð skuldi hon vera liðug í fjør summar, sigur Mikael Viderø, tekniski stjórin hjá kommununi.

Dagurin ikki ásettur enn

Í løtuni umrøður byggifelagið saman við undirveitaranum, hvussu trupulleikin við rekkverkinum skal loysast.

Fyrr enn greiða er fingin á teimum viðurskiftunum, kann dagurin tá kommuna kann yvirtaka brúnna um Sandá, ikki ásetast, sigur Mikael Viderø, tekniskur stjóri í Tórshavnar kommunu.

Tá brúgvin er liðug, skal lendið hampast, og síðani skal greiða fáast á øllum øðrum viðurskiftum um brúnna, sigur Mikael Viderø.