- Tíðindi, mentan og ítróttur
Ein milliard dollarar skal tryggja honum sigurin
Eina milliard dollarar, ið er tað sama sum 6.467.100.000 krónur.
Tað er upphæddin, sum Donald Trump ætlar at savna í royndini at vinna á mótvalevninum, Hillary Clinton, ið stillar upp fyri demokratarnar til forsetavalið í USA í november.
- Eg vil sameina flokkin, og vit fara at savna fólk. Eg vænti, vit fara at vinna á Hillary Clinton, segði Donald Trump millum annað í samrøðu við Fox News mikukvøldið.
Vil nokta muslimum innferðarloyvi
Gerst Donald Trump næsti forsetin í USA, so ætlar hann at nokta muslimum innferðarloyvi í USA, segði hann í eini aðrari samrøðu við sjónvarpsstøðina NBC í gjárkvøldið.
Donald Trump hevur eisini ætlanir um at senda fólk, sum ikki hava loyvi at verða verandi í USA, aftur til londini, tey eru komin frá, segði hann í samrøðuni.
Meðan Donald Trump hevur ætlanir at savna eina milliard dollarar til valstríðið, so ætla demokratarnir at brúka tvær milliardir til valstríðið undan forsetavalinum.