Søkja eftir lærarum til smærru skúlarnar

Í løtuni verður søkt eftir útoyggjalærara til skúlan í Svínoy og eftir einalærarum til skúlarnar í Fámjin og Haraldssundi.

Felags fyri allar starvslýsingarnar hjá Mentamálaráðnum er, at fólkini, sum verða sett í tey trý størvini, koma at starvast heilt einsamøll.

Teir tríggir lærararnir verða tískil bæði leiðari og somuleiðis einasti lærarin á trimum trimum skúlunum.

Kunnu seta fólk, ið ikki eru útbúgvin, í størvini

Søkir eingin lærari størvini í Svínoy, Fámjin og Haraldssundi, kann Mentamálaráðið seta fólk, sum ikki hava læraraútbúgving, í størvini.

Lønin fyri at vera útoyggja- og einalærari er úr 29.000 krónum upp í slakar 33.600 krónur um mánaðin, alt eftir arbeiðsroyndum frammanundan.

Tey trý lærarastørvini eru tíðaravmarkað, og skulu tí lýsast leys aftur um eitt ár sambært starvslýsingunum hjá Mentamálaráðnum.