Knívdrápið í Týsklandi í morgun er politiskt

10.05.2016 - 11:04
AktueltÚtheimurin
Knívdrápið í Týsklandi í morgun er politiskt
Ein 50 ára gamal maður lat lív og tríggir fingu løstir, eftir at ein maður leyp á fólk uttanfyri tokstøðina í Grafing í Suðurtýsklandi í morgun
Grafing tokstøðin er framvegis avbyrgd
Mynd: © AP-tíðindastovan  
 
 

Løgreglan váttar fyri týska blaðnum merkur.de, at gerningsmaðurin er 27 ára gamal, týskur ríkisborgari, og at maður framdi álopið av politiskum ávum. Løgreglan vil tó ikki vátta, um talan er um islamistiskt motiverað álop.

Løgreglan váttar fyri Suddeutsche Zeitung, at vitni hoyrdu gerningsmannin rópa "Allahu Akbar", meðan hann leyp á tilvildarlig fólk tíðliga í morgun.

Álopið hendi stutt fyri klokkan 5 í morgun, tá gerningsmaðurin stakk niður fyrsta ofrið. Tá tokið kom til støðina í Grafing vórðu tveir aðrir persónar stungnir niður, og siðani leyp 27 ára gamli gerningsmaðurin á fólk, sum súkklaðu framvið.

Avhoyringar

Løgregla og bjargingarfólk komu á staðið og tóku mannin av fótum og hann varð handtikin. 

Hann verður nú avhoyrdur, og tað verða vitni eisini. Tokstøðin er framvegis avbyrgd. 

Gerningsmaðurin skal verða týskur ríkisborgar, og ikki hava tilflytarabakgrund, og hann hevur ikki fyrr verið í kløtur við løgregluna, skrivar Ebersberger Zeitung.

Nýggjastu sendingar í ÚV
Fríggjadag 20. apríl
Morgunlestur fríggjadagur 20. apríl 2018
79723
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843