Skulu taka støðu til semingsuppskot

Skulu taka støðu til semingsuppskot
Føroya Arbeiðsgevarafelag og Flogskiparafelag Føroya skulu nú svara Semingsstovninum, um tey góðtaka semingsuppskotið, sum er lagt fyri partarnar
Klokkan trý í dag skulu Føroya Arbeiðsgevarafelag og Flogskiparafelag Føroya svara Semingsstovninum, um tey góðtaka semingsuppskotið, sum varð lagt fyri partarnar í nátt
 
25.05.2016 - 13:53

Klokkan trý í dag skulu Føroya Arbeiðsgevarafelag og Flogskiparafelag Føroya svara Semingsstovninum, um tey góðtaka semingsuppskotið, sum varð lagt fyri partarnar stutt fyri klokkan trý í nátt.

Lønin og hvussu arbeiðið skal skipast eru trætumálini, sum Semingsstovnurin skuldi royna at fáa Flogskiparafelag Føroya og Føroya arbeiðsgevarafelag at semjast um.

Semingsroyndin byrjaði klokkan eitt í gjár. Semingsstovnurin varð boðsendur hvítusunnuaftan, 14.mai, tí Flogskiparafelag Føroya og Føroya arbeiðsgevarafelag ikki kundu semjast um nýggjan sáttmála fyri tann, sum fór úr gildi tann 31. mars.

SÍ EISINI Fara nú undir semingsroynd

Sáttmálasamráðingarnar byrjaðu 30. mars og hildu á til 14. mai, tá partarnir, um ikki annað, kundu semjast um at senda boð eftir Semingsstovninum.

Um semingin ikki ber á mál, og annar parturin ætlar at seta í verk arbeiðssteðg, steðgar flúgvingin kortini ikki við brestin.

Føroya Arbeiðsgevarafelag sigur, at í sáttmálanum partanna millum stendur, at arbeiðssteðgur skal fráboðast minst 14 dagar frammanundan.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585