KÍ hevur annað beinið í finaluni

KÍ hevur annað beinið í finaluni
Við stórsigri á NSÍ í fyrru hálvfinaluni um Løgmanssteypið, hevur KÍ lagt lunnar undir, at klaksvíkingar verða annað liðið í finaluni
 
26.05.2016 - 21:39

KÍ vísti aftur í kvøld, at liðið er í stórformi. Teir vunnu 4-1 á NSÍ, og sigurin var ikki eitt mál ov stórur.

Tað var tó NSÍ, sum legði seg á odda, tá átta minuttir vóru farnir. Pól Johannus Justinussen skallaði eitt hornaspark frá Árna Frederiksberg í málið.

KÍ svaraði skjótt aftur, teir fór upp á hálvuna hjá NSÍ at trýsta, og NSÍ fekk ongantíð sítt spæl at rigga undir hesum trýstinum.

Tá sekstan minuttir vóru farnir javnaði Semir Hadzebulic til 1-1, og tað gingu bara tíggju minuttir, so legði Jóannes Bjartalíð heimaliðið á odda.

Jóannes Bjartalíð var aftur málskjútti, tá hann við brotssparki økti til 3-1, tá 35.minuttir vóru farnir. 3-1 var eisini hálvleiksstøðan.

KÍ sat eisini á øllum frá byrjan í seinna hálvleiki, og tá átta minuttir vóru farnir, var tað Páll Klettskarð sum økti til 4-1, eftir góða avlevering frá Semir Hadzebulic.

Tað líktist hesa løtuna, at KÍ kundi fáa fleiri mál, men tá 60. minuttir vóru farnir fekk David Langgaard, heldur óneyðugt, eitt gult kort afturat og bleiv útvístur.

NSÍ hevði tískil meira enn ein hálvan tíma til at svara aftur, men teir skaptu ikki ein málmøguleika við ellivu ímóti tíggju. KÍ var tættari við at skora til 5-1, enn NSÍ var at minka um munin.

Tað tóktist eisini løgið, at NSÍ venjarin, Anders Gerber, spældi allan dystin við trimum miðverjum, tá KÍ valdi at fara aftur at verja við tíggju monnum. 

Sigfríður Clementsen var viðmerkjari hjá Kringvarpinum til dystin, og hann helt, at NSÍ dumpaði á taktiska økinum.

Seinnu hálvfinalurnar vera 15.juni. NSÍ og KÍ møtast í Runavík, og í Gøtu spæla Víkingur og Skála. Víkingur vann mikukvøldið á Skála fyrru hálvfinaluna 1-0.

KÍ og NSÍ møtast tó longu aftur í Klaksvík í landskappingini á norðoyastevnu 5.juni.

KÍ-NSÍ 4-1 (3-1)

08 min. 0-1 Pól Johannus Justinussen
16 min. 1-1 Semir Hadzebulic
26 min. 2-1 Jóannes Bjartalíð
35 min. 3-1 Jóannes Bjartalíð (br.)
52 min. 4-1 Páll Klettskarð
60 min. Reytt kort David Langgaard (tvey gul)

 

 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584