- Tíðindi, mentan og ítróttur
WHO vil ikki útseta olympisku leikirnar
Í einum opnum brævi hava meira enn 100 leiðandi granskarar sagt við WHO, at teir halda tað vera óetiskt at lata Leikirnar verða eftir nýggju vitanina, sum er komin fram um Zika-virussið.
Men WHO hevur svarað og sagt, at tað ikki fer at seinkað útbreiðsluni av virussinum nakað serligt, um OL verður avlýst ella flutt til seinni.
SÍ EISINI WHO: Zika-virus er á veg til Evropa
Granskararnir, sum hava rópt varskó, siga, at WHO eigur at endurlesa ráðgevingina, ið er um Zika-virussið. Zika-virussið smittar við mýggjabitum, og fyrstu sjúkurnar sóust í Brasil fyri einum ári síðani.
Nú breiðir smittan seg í meira enn 60 londum og økjum. Sjúkueyðkennini eru mild, men ber sjúka mamman barn undir belti, so er stórur vandi fyri, at barnið fær lítið høvd og í summum føri kunnu vaksin eisini fáa lívhættisligt neurologiskt syndrom.
Heilsuverkið riggar ikki nóg væl
150 altjóða granskarar hava skrivað undir brævið til WHO, harímillum doktarar og medisinskir etikarar frá tildømis Oxford University og Harvard og Yale.
Granskararnir vísa eisini á, at Brasil ikki hevur eina haldgóða ætlan at basa mýggjabitum, og at landisns heilsuverk ikki riggar nóg væl.
Hetta eigur at fáa WHO at flyta Olympisku Leikirnar, siga teir, men sum nevnt, so hevur WHO svarað, at eitt slíkt stig ikki fer at avmarka smittuna nakað serligt.