Sýriskur samráðingarleiðari leggur frá sær

Samráðingarleiðarin hjá størsta andstøðubólkinum í Sýria, Mohammed Alloush, leggur frá sær, tí ein ætlan um at tryggja sýrialendingum, sum halda til í uppreistrarøkjum, hjálp, er miseydnað.

ST tók eisini undir við ætlanini. Mohammed Alloush sigur, at tað hevur ikki eydnast at fáa fleiri túsund fangar latnar leysar, ella at tvinga sýrisku valdsharrarnar til eina politiska skiftisskipan.

Óvist hvussu verður við friðarsamráðingum

Andstøðan í Sýria hevur sett sum treyt fyri einari avtalu um politisku viðurskiftini í framtíðini, at Bashar al-Assad, forseti, leggur frá sær.

Verður hetta kravið ikki eftirlíkað, er nyttuleyst at halda fram við friðarsamráðingunum, sigur Alloush, sum hevur lagt frá sær sum samráðingarleiðari og leiðari fyri andstøðuna, ið hevur samráðst í Geneve.

Tað er ikki greitt, nær friðarsamráðingarnar verða tiknar uppaftur.