Ísland er nú nummar 22 á FIFA-styrkilistanum

Ísland er nú nummar 22 á FIFA-styrkilistanum
Íslendska manslandsliðið í fótbólti hevur tikið stórt lop á FIFA-styrkilistanum
Huuh: Íslendska fótbóltslandsliðið eftir seinasta dystin móti Fraklandi
Mynd: ksí.is  
 
17.07.2016 - 11:34

Ísland gjørdi eitt skarvslop og fór 12 pláss uppeftir úr 34. plássi upp á 22. pláss, og tað er met hjá Íslandi. 

Sambært íslendska kringvarpinum, RÚV, merkir hetta, at íslendska landsliðið hevur vunnið seg 109 pláss fram, síðan svenski venjarin, Lars Lagerbäck, tók við sum venjari í 2011. 

Fremst í Norðurlondum

Í oktober 2012 var Ísland á 131.plássi á styrkilistanum, - lægsta nakrantíð.

Millum evropisku tjóðirnar er Ísland á 15. plássi, og tað er langt omanfyri aðrar norðurlendskar tjóðir.

Fleiri skarvslop

Tað eru eisini onnur lond, sum gera risalop á styrkilistanum.

Wales er farið 15 pláss fram og er 11. besta landsliðið, Kroatia hevur yvirhálað 12 onnur lond og er nú á 15. plássi, og Polland er farið 11 stig upp og er nú nummar 16 á FIFA-styrkilistanum.

Ovast á listanum er Argentina. Síðani koma Belgia, Kolumbia, Týskland, Kili, Portugal og Frakland. 

Tú kanst síggja allan FIFA-styrkilistan her

Føroyar eru á 136. plássi á styrkislistanum hjá FIFA, frammafyri eitt nú Luksemburg, Aserbadjan, Angola, Vjetnam og Libanon.

 

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652