- Tíðindi, mentan og ítróttur
Bumbuálop á politiskúla krevur 59 lív
ÁVARING: Ógvislig mynd í greinini
Reuters skrivar, at 59 fólk lótu lív, fyri tað mesta næmingar á politiskúlanum, í álopinum, sum hendi í pakistanska býnum Quetta.
BBC skrivar, at tríggir menn í sjálvmorðsbumbuvestum tóku seg inn á skúlan seint í gjárskvøldið og eftir øllum at døma tóku teir eisini gíslar.
Eitt stórt átak varð sett í verk, og allir tríggir álopsmenninir vórðu dripnir.
Greinin heldur fram niðanfyri
Death toll in Pakistan police academy attack rises to 59. https://t.co/OaUYU5TlXy
— The Associated Press (@AP) October 25, 2016
- Eg sá tríggjar menn í kamuflasjubúna og við Kalashnikovbúrsum, sigur ein politinæmingur við fronsku AFP-tíðindastovuna.
- Teir fóru at skjóta og komu inn í sovisalin, men eg megnaði at sleppa til rýmingar, sigur politinæmingurin sambært tíðindastovuni..
Hundraðtals næmingar búgva á skúlanum, og mangir teirra doyðu í spreingingunum.