#kv2016: Flest arbeiðsleys í Suðuroy

bannari
#kv2016: Flest arbeiðsleys í Suðuroy
Tað eru tríggjar ferðir so nógv arbeiðsleys fólk í Suðuroy enn í økinum við lægsta arbeiðsloysinum í Føroyum
Lutfalsliga eru flest arbeiðsleys í Suðuroy samanborið við hinar sýslurnar í Føroyum vísa nýggjastu tølini hjá Hagstovuni
 
27.10.2016 - 11:23

Arbeiðsloysið í Føroyum er størst í Suðuroy. Tað vísa nýggjastu tølini hjá Hagstovu Føroya yvir arbeiðsloysið í landinum 1. august.

Í Suðuroy var arbeiðsloysið 4,9 prosent, í Sandoy var talið 1,6 prosent. Sostatt var arbeiðsloysið í Suðuroy tríggjar ferðir størri enn í Sandoy.

Tað eru munandi fleiri kvinnur enn menn, ið eru arbeiðsleysar í Suðuroy. 5,9 prosent av kvinnunum og 4,2 prosent av monnunum vísa tølini.

Ein lítil minking

Samlaða arbeiðsloysið í øllum landinum er minkað eitt lítið vet. 1. august í 2015 vóru 811 fólk í Føroyum arbeiðsleys, 1. august í ár var talið 782.

Tey flestu arbeiðsleysu í Føroyum eru 25-34 ár. Minsta arbeiðsloysið er hinvegin í aldursbólkinum 45-54 ár. Tølini eru ávikavist 4,0 og 1,8 prosent.

Í tølunum hjá Hagstovuni verður ikki gjørdur munur á, um fólk, ið ikki arbeiða, eru í Arbeiðsloysisskipanini ella í skipanini hjá Almannaverkinum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585