Eru farin at skriva samgonguskjal

bannari
11.11.2016 - 08:17
AktueltPolitikkur
Eru farin at skriva samgonguskjal
Tjóðveldi, Fólkaflokkurin og Framsókn eru samdir um at samstarva í Tórshavnar býráð næsta valskeið
 
 

Hóttanirnar hjá Heðini Mortensen, borgarstjóra, um at tað fer at ávirka samgonguarbeiðið í løgtinginum, um Javnaðarflokkurin verður hildin uttan fyri samgonguna í Tórshavnar býráð, hava ikki havt nakra ávirkan á býráðssamgonguna millum Fólkaflokkin, Framsókn og Tjóðveldi.

Tí í gjárkvøldið sendu teir tríggir flokkarnir út tíðindaskriv og boðaðu frá, at teir eru samdir um at samstarva næstu fýra árini.

Tíðindaskrivið varð sent út, eftir at Aksel V. Johannsen, formaður Javnaðarfloksins, Høgni Hoydal, formaður  í Tjóðveldi, og Poul Michelsen, formaður í Framsókn, høvdu havt fund um støðuna.

Annika borgarstjóri

Annika Olsen verður borgarstjóri, Gunvør Balle varaborgarstjóri, og so fær Tjóðveldi flestu nevndarformennirnar, tí flokkurin fær formannin í Teknisku nevnd, Mentamálanevndini, Trivnaðarnevndini, Náttúru- og Umhvørvisnevndini, Byggi- og býarskipanarnevndini og Økisnevndini.

Fólkaflokkurin fær formannin í Fjarhitafelagnum. Tjóðveldi fær umboð í nevndini í SEV.

Í tíðindaskrivinum verður sagt, at í løtuni situr býráðssamgongan og skrivar samgonguskjal um yvirskipaða politikkin komandi valskeiðið.

Arbeiðið gongur væl, og samgonguskjalið verður lagt fram fyrsta dagin, verður sagt í tíðindaskrivinum.

Nýggjastu sendingar í ÚV
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Mánadag 13. august
Morgunlestur mánadagin 13. august 2018
82946
Sunnudag 12. august
Arkitekturur á útoyggj - Skúvoy
83037
Leygardag 11. august
Frítíð og náttúra 5
84016
Nýggjastu sendingar í SV