- Tíðindi, mentan og ítróttur
Skattamálið verður jólatrøll
15. septtember sendi TAKS Eik eina nýggja niðurstøðu til hoyringar.
Eik fekk longda freist til1. desember at svara upp á hesa niðurstøðu. Og tað hevur Eik nú gjørt.
Eyðun Mørkøre, stjóri á TAKS, váttar fyri Kringvarpinum, at Eik hevur sent TAKS viðmerkingar til nýggju niðurstøðuna.
Men tað verður neyvan í hesum árinum, at TAKS fer at taka endaliga støðu í málinum.
TAKS játtaði á sumri 2015 Eik umleið 90 milliónir krónur í skattafrádrátti. TAKS fór tó at viðera málið av nýggjum, tá Fíggjarligt Støðufesti 29. januar 2016 boðaði TAKS frá, at avgerðin var tikin á skeivum grundarlagi.
Eftir eina drúgva viðgerð er TAKS komið til eina nýggja niðurstøðu, sum Eik nú eisini hevur svarað.
Nú fer TAKS at taka samanum svarskrivið frá Eik, áðrenn endaliga niðurstøða verður tikin.