Føroyski limaskapurin aftur fyri løgtingið

Føroyski limaskapurin aftur fyri løgtingið
Hóast Norðurlandaráðið hevur givið Føroyum krakk, eiga vit at bjóða okkum fram sum formansland, heldur Annita á Fríðriksmørk, løgtingskvinna
 
04.12.2016 - 10:44

Málið um sjálvstøðugan føroyskan limaskap í Norðurlandaráðnum endar nú aftur í løgtinginum.

Annita á Fríðriksmørk, samgongutingkvinna í Tjóðveldi, hevur boðað frá einum skrivligum fyrispurningi til Poul Michelsen, landsstýrismann í uttanríkismálum.

Hon spyr, hvørja viðmerking landsstýrismaðurin hevur til niðurstøðuna hjá formansskapinum í Norðurlandaráðnum um ikki at geva Føroyum fullan limaskap í norðurlendska samstarvinum, og hvat hann ætlar at gera við svarið. 

Annita á Fríðriksmørk spyr eisini, um tað er uttanríkispolitiska heimildarlógin, sum er ein av høvuðsorøkunum til politisku støðuna, vit enn einaferð eru endað í.

Føroyar sum formansland

Hóast vit vit hava fingið krakk frá formansskapinum í Norðurlandaráðnum, heldur Annita á Fríðriksmørk, at vit eiga at bjóða okkum fram sum formansland í Norðurlandaráðnum.

Vit kundu - kanska saman við Grønlandi og Álandi - átt formannin í ráðnum og teimum nevndum, sum eru viðkomandi fyri Føroyar. Tá kundu vit verið vertur fyri Norðurlandráðsfundinum sætta hvørt ár.

Tað hevði givið okkum ein pall í altjóða rúminum, har vit kunnu standa á odda og og varpa serligt ljós á øki, sum eru viðkomandi fyri Føroyar, sigur Annita á Fríðriksmørk í viðmerkingunum til fyrispurningin.

Løgtingið fer týsdagin at taka støðu til, um fyrispurningurin skal svarast. 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652