Sára Nysted sett nýtt føroyskt juniormet

08.12.2016 - 09:33
ÍtrótturSvimjing
Sára Nysted sett nýtt føroyskt juniormet
Sára Nysted hevur sett nýtt føroyskt juniormet í HM á stuttgeil í Kanada
Mynd: Savnsmynd  
 
 

Sára R. Nysted úr Suðuroyar svimjifelagi hevur sett nýtt føroyskt juniormet í 100 metrar frí.

Hon kom á mál við tíðini 57,43 sekund. Gamla juniormetið frá 2013 á 57,62 sekund átti Guðrun Mortensen. 

Føroyska metið í 100 m. frí er 57,41 sekund. Tað setti Elspa Mørkøre í 2007.

Óli Mortensen persónligt met

Óli Mortensen setti nýtt persónligt met í 200 metrar frí, tá hann svam í innleiðandi riðlunum.

Tíðin hjá Óla var 1.51.12. Undan hesari kappingini var besta tíðin hjá honum 1.51.19

Tíðin hevði við sær, at Óli Mortensen bleiv nummar 64 av 106 í 200 metrar frí kappingini.

Pál Joensen hitar upp longri teinar

Pál Joensen bleiv nummar 62 av 106 svimjarum í 200 metrar frí kappingini. Tíðin var 1.50.69.

Pál eigur sjálvur føroyska metið, ið er væl skjótari. Metið á 1.46.61 varð sett í Kroatia í 2008.

Svimjing.com skrivar, at Pál mest av øllum brúkti hesa kappingina til at fyrireika seg til longri teinarnar.

 

 

Nýggjastu sendingar í ÚV
Nýggjastu sendingar í SV
Leygardag 25. mars
FM í svimjing - beinleiðis
Fríggjadag 24. mars
Í Drátti
Fríggjadag 24. mars
FM í svimjing - beinleiðis
Fríggjadag 24. mars
25 minuttir: Johannes Jensen
Hósdag 23. mars
Grindin