Röddin

VIT

 

Trý feløg komin í hálvfinalurnar
Mynd: Savnsmynd  
TB, SÍ og Fleyr hava tryggjað sær pláss í hálvfinalunum í steypakappingini í flogbólti hjá kvinnum
20.12.2016 - 08:23
 

Trý lið hava longu tryggjað sær pláss í hálvfinalunum í kvinnuflogbólti. Fjórða liðið verður funnið fyrst í januar mánaði. Tað áhugaverda er, at trý lið kappast um seinasta plássið í hálvfinalunum.
 
Í gjár gjørdist endaliga greitt, at Fleyr, SÍ og TB hava spælt seg víðari til hálvfinalurnar í steypakappingini hjá kvinnum.

Í bólki tvey var rættiliga javnt áðrenn umfarið í gjár. SÍ lá best fyri, men í roynd og veru kundu øll liðini spæla eg víðari.

SÍ var á vitjan hjá ÍF í Kambsdali, og tann dysturin endaði við 3-0 sigri til gestirnar. 

Hin dysturin var millum TB og Mjølnir í Trongisvági, og hóast gestirnir byrjaðu best og vunnu fyrsta settið, so fótaði heimaliðið sær, og endaði við at vinna 3-1, og seinna plássið í hálvfinalunum.
.
Í bólki eitt tók Fleyr ímóti oddaliðnum í landskappingini, Drátti. Dysturin var avgerandi fyri, hvør vann bólkin.

Fleyr vann greiðan 3-0 sigur. Tað hevur við sær, at Fleyr vinnur bólk eitt við sjey stigum. Enn er ikki greitt, hvat lið verður nummar tvey og fer víðari úr bólki eitt.

KÍF og Ternan skuldu eisini spæla, men tann dysturin mátti útsetast. Nýggi leikdagurin er settur at vera 5. januar.

Sum støðan er nú, kunnu øll trý liðini í bólki eitt spæla seg víðari. 

Tað er tó greitt, at Fleyr, SÍ og TB eru komin víðari í hálvfinalurnar, sum vera spældar í høllini á Hálsi tann 11. februar 2017.

 

 

Les eisini

flogboltur.jpg

Beinleiðis stroyming: ÍF-Fleyr

Kringvarpið stroymir oddadystin í landskappingini hjá monnum

Tíðindi

ase00754_as694_nu_gror_1_17051992._0044.jpg

KvF 60 ár: Nú grør 1:4

Føroysk urtagarðssending frá 1992

Beinta Løwe Vilja ikki siga nógv um fiskivinnunýskipanina

Samband er enn millum samgonguna og Sambandsflokkin um málið

Læraraskúlanæmingar Lærarar missa kreativa undirvísing

Leiðslan á námsvísindadeildini hevur strikað kreativu breytina

Súsanna Olsen Bústaðarmarknaðurin illa sperdur

Súsanna Olsen, stjórnmálafrøðingur, heldur verkætlanina hjá sjálvsognarfelagnum vera áhugaverda