Gransking: So lætt kanst tú leingja um lívið

10.01.2017 - 15:32
AktueltHeilsa
Gransking: So lætt kanst tú leingja um lívið
Tú kanst bøta munandi um heilsuna, venur tú hart bara eina ferð um vikuna. Tað staðfestir nýggj gransking, ið júst er kunngjørd
Tú kanst minka munandi um vandan fyri at doyggja av hjartasjúkum og krabbameini, um tú bara gevur tær stundir at venja, tá vikuskiftið er sambært nýggjari gransking
Mynd: Savnsmynd  
 
 

Hevur tú ikki tíð at røra teg 30 minuttir hvønn dag, sum heilsumyndugleikarnir hava mælt til leingi? So eru hetta tey góðu tíðindini til tín.

Tú kanst minka um sannlíkindini fyri at doyggja av hjartasjúkum og krabbameini, um tú bara gevur tær stundir at venja eina ferð um vikuna.

Tað er ein av niðurstøðunum í nýggjari gransking, sum granskarar í Onglandi hava gjørt, ið varð kunngjørd í vísindatíðarritinum, JAMA, í gjár.

Skal ikki so nógv til

- Fólk, sum bara venja eina-tvær ferðir um vikuna, fáa ávísan ágóða av venjingini, sigur Gary O'Donovan, høvuðsgranskari, sambært videnskab.dk

Yvirskipað minkar vandin fyri at doyggja munandi millum fólkini, sum bara vandu um vikuskiftini, er ein av niðurstøðunum í nýggju granskingini.

- Tað er líkt til, at títtleikin og longdin ikki hevur so nógv at siga, í mun til at minka um vandan fyri ymisku sjúkunum, sigur Gary O'Donovan.

Tað siga tilmælini

Føroysku heilsumyndugleikarnir mæla fólk til at røra seg ein hálvan tíma hvønn dag. Meira ítøkiligir eru myndugleikarnir í Føroyum ikki.

Donsku heilsumyndugleikarnir hava bólkað almenna tilmælið í fýra ymiskar aldursbólkar. Sundhedsstyrelsen hevur eisini eitt serstakt tilmæli til barnakonur.

● 0-4 ár: So nógva rørslu sum gjørligt hvønn dag

● 5-17 ár: 60 minuttir hvønn dag, hóvligt-høgt tempo

● 18-64 ár: 30 minuttir hvønn dag, hóvligt-høgt tempo

● 65+: 30 minuttir hvønn dag, hóvligt tempo

Nýggjastu sendingar í ÚV
Mánadag 18. desember
Meg minnist: Simme Jacobsen (2:2)
75647
Mánadag 18. desember
Morgunlestur mánadagur 18. desember 2017
75571
Sunnudag 17. desember
Guðstænasta í Vestmanna kirkju
75633
Sunnudag 17. desember
Bolero
75632
Sunnudag 17. desember
Upp á tá
75629
Nýggjastu sendingar í SV
Sunnudag 17. desember
Møti um borð á Brimli
75637
Sunnudag 17. desember
Andaktin
75636
Hósdag 14. desember
Koba & Vatnhamar II (4:4)
75534
Hósdag 14. desember
Savnsgull: Slóðin 2:3
75542
Mikudag 13. desember
25 minuttir: Ronnie Midjord
74873