Röddin

VIT

 

Alivinnan størstu framgongdina
Størsta framgongdin innan vinnugreinarnar í Føroyum í løtuni er í alivinnuni. Í oktober høvdu 1.074 fólk sína høvuðsinntøku í alivinnuni
Mynd: Savnsmynd  
Stórur munur er á gongdini í talinum á løntakarum í teimum ymisku vinnugreinunum í Føroyum. Alivinnan kann fegnast mest
11.01.2017 - 07:40
 

Í landbúnaðinum er vøksturin næstan 14%, meðan afturgongdin í ráevnisvinnuni var næstan 20 prosent. Men hetta eru smáar vinnugreinar, og tá er skjótt hvønn vegin.

Tøl frá Hagstovuni vísa, at í størru vinnugreinunum í landinum er størsta framgongdin í alivinnuni. Í oktober høvdu 1.074 fólk sína høvuðsinntøku í alivinnuni.

Greinin heldur fram niðanfyri

Hetta eru 88 fleiri enn fyri einum ári síðani. Vøksturin er 8,9 prosent. Eisini í kommununum er stórur vøkstur, nú arbeiða 248 fleiri í kommununum ella hjá ríkinum, sammett við oktober 2015.

Ein av orsøkunum til vøksturin í kommununum man vera, at eldraøkið nú verður rikið av kommununum, skrivar Hagstova Føroya á heimasíðuni.

Færri løntakarar í fiskivinnuni

Byggivinnan hevur eisini ein vøkstur upp á yvir 100 løntakarar. Í oktober starvaðust 1.894 fólk í byggivinnuni, tað eru 101 fleiri enn sama tíðarskeið árið fyri. Hetta er 5,6 prosent í vøkstri.

Í fiskivinnuni er ein afturgongd í talinum á løntakarum. 26 færri fingu sína inntøku frá fiskiskapi, 34 færri frá sjóflutningi og 70 færri frá fiskavøruídnaðinum. Afturgongdin er millum 1,7 og 4,7 prosent.

Í heilsu- og almannaverkinum eru stívliga 100 færri fólk til arbeiðis, helst lutvíst av, at eldrarøktin nú eru undir kommununum.

 

Les eisini

lodnuskip, lodna, lodnuveiða

Sluppu ikki at landa

Eitt íslendskt skip, sum var á veg til Fuglafjarðar við lodnu, fekk ikki loyvi at landa

Tíðindi

jógvan fríðríksson

Vil ikki viðmerkja nógv umrødda prædiku

Jógvan Fríðriksson, biskupur, vil ikki gera viðmerkingar til prædikuna hjá Bergi Debes Joensen, presti, Hests kirkju miðskeiðis í januar

170223_dv_floboltsfinalur_ok._0037.jpg VIDEO: Flogbóltsfepur

Leygardagin verður stórur flogbóltsdagur, tí tá eru steypafinalurnar hjá bæði kvinnum og monnum. Her er ein upptakt.

Jákup á Borg UPPTAKT: B36 við nýggjum venjara

Eg eri altíð við fyri at vinna, sigur Jákup á Borg, venjari hjá B36

tb_if._0050.jpg Sparta um útlendsk ítróttafólk

Útlendsk ítróttafólk búgva og arbeiða í Føroyum við serligum ítróttaloyvum, men hvørjar eru treytirnar og avbjóðingarnar?