»Dieselgate« ávirkar ikki søluna

11.01.2017 - 11:44
AktueltPengar
»Dieselgate« ávirkar ikki søluna
Dálkingargølan hjá Volkswagen í 2015 nervar ikki søluna - tvørturímóti. Volkswagen er nú heimsins størsti bilframleiðari
Volkswagen er nú heimsins størsti bilframleiðari. Bilverksmiðjan framleiddi til samans 10,3 milliónir bilar í 2016, eitt lítið vet framman fyri Toyota
Mynd: Savnsmynd  
 
 

Skøvurnar, sum komu í lakkið hjá Volkswagen á heysti í 2015, eru longu burtur. Tað sama eru eisini atfinningarnar hjá brúkarunum.

Tí tað nervar ikki keypararnar tað minsta, at bilverksmiðjan svikaði við tølum fyri útlát, og at starvsfólk í fyritøkuni eisini eru fongslað.

Volkswagen hevur nú yvirhálað Toyota, og Volkswagen framleiðir nú flestar bilar í øllum heiminum. Tað skrivar tíðindastovan, Reuters.

Toyota í hølunum á VW

VW seldi til samans 10,3 milliónir bilar í 2016. Tað kom fram, tá bilverksmiðjan týsdagin legði sølutølini fyri 2016 fram á høvuðsskrivstovuni í Týsklandi.

Toyota kom beint í hølunum á Volkswagen. Toyota framleiddi í fjør til samans 10,09 milliónir bilar. Tað er nakað minni enn Toyota hevði roknað við í 2016.

Sonevnda »Dieselgate« dálkingargølan byrjaði í 2015, tá tað kom undan kavi, at Volkswagen hevði svikað við tølunum fyri, hvussu nógv bilarnir dálka.

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Tilvera - Tað ónda 1 (2)
9337
Fríggjadag 25. mai
Radarin: Arktis og Public Service
81234
Hósdag 24. mai
Á bátastevnu í Vestmanna
81189
Hósdag 24. mai
Áðrenn Elvis - 240518
81181
Nýggjastu sendingar í SV
Mánadag 21. mai
Hamferð - útgávukonsert
81054
Mánadag 21. mai
Andaktin
81074
Mánadag 21. mai
FM í estetiskum fimleiki
81092
Mánadag 21. mai
Blank 3
80853