Röddin

VIT

 

Sent til hoyring
Ein meirluti í Løgtinginum gjørdi av 29. apríl í fjør, at samskynd skuldu sleppa at giftast. Men ein treyt varð sett fyri, at lógin kundi koma í gildi
Mynd: Savnsmynd  
Landsstýriskvinnan í mentamálum hevur sent uppskotið, um at taka regluna um signing av borgarligum vígslum úr hjúnabandslógini, til almenna hoyring
11.01.2017 - 13:49
 

Ein meirluti í Løgtinginum gjørdi av 29. apríl í fjør, at samskynd skuldu sleppa at giftast. Men ein treyt varð sett fyri, at lógin kundi koma í gildi: ein regla um signing av borgarligum vígslum skuldi takast úr hjúnabandslógini fyrst.

Hjúnabandslógin er donsk, og tí skuldi Fólkatingið endaliga samtykja, at samkynd kunnu giftast í Føroyum. Men viðgerðin av uppskotinum steðgaði í danska embætisverkinum áðrenn tað slapp fyri Fólkatingið.

Spurningurin avgreiðast í Danmark

Gamaní er hjúnabandslógin donsk, men fólkakirkjan er føroysk, og tí kunnu bara føroyingar avtaka signingina av borgarligum vígslum, vildu donsku embætisfólkini vera við. Kjak tók seg síðani upp millum Mentamálaráðið og Løgmansskrivstovuna.

Løgfrøðingarnir í Mentamálaráðnum siga, at hóast fólkakirkjan otar seg inn í hjúnabandslógina, við at lova signing til borgarliga vígd hjún, skal spurningurin avgreiðast í Danmark, tí hjúnabandslógin er donsk.

Løgmansskrivstovan tók hinvegin undir við dønum. Fólkakirkjan er føroyskt málsøki, og tí skal spurningurin um at avtaka signing av borgarligum vígslum úr hjúnabandslógini avgreiðast í Løgtinginum.

Løgmaður tikið endaliga avgerð

Hann tekur ikki undir við Mentamálaráðnum, at spurningurin skal avgreiðast í Danmark. Tí hevur Rigmor Dam loksins sent eitt uppskot um, at reglan skal strikast frá Mentamálaráðnum til almennar hoyringar.

Uppskotið er eisini sent beinleiðis til ummælis hjá Heilsu- og Innlendismálaráðnum, biskupi, prestafelagnum og felagnum fyri kirkjuráðslimir, áðrenn tað fer til viðgerðar í Løgtinginum.

Tá ið reglan er strikað, sleppur broytta hjúnabandslógin endiliga fyri Fólkatingið, har tað skal endaliga samtykkjast.

 

Les eisini

Søvn Landsins

Søvnini dýrari at reka

At Søvn Landsins verða sundurskild kemur at kosta landinum góðar 500.000 kr. um árið.

Tíðindi

posta.jpg

Ikki uppgávan hjá Posta at halda lív í bløðunum

Posta fer at hækka prísin á blaðútberingin, men enn er ikki greitt, hvussu nógv. Tað váttar Joel undir Leitinum, stjóri.

blod.jpg Príshækking verður banin hjá bløðunum

Hækkar Posta prísin á blaðútberingini, verður tað banin hjá føroysku bløðunum, sum vit kenna tey, sigur formaðurin í Føroya Blaðútgevarafelag

mgp_2017.jpg Kári Jacobsen: Danmark vinnur neyvan Eurovision

Where I Am er ikki eitt veruligt vinnaralag, heldur Kári Jacobsen, tónleikari

magnus_hansen.jpg Katastrofa at leggja landsveg í bústaðarøki

Tað sigur Magnus Hansen, arkitektur, um nýggja innkomuvegin, sum ætlanin er at gera í sambandi við Eysturoyartunnilin