Röddin

VIT

 

Verklagslógirnar kunnu bíða
Ein neyv kostnaðarmeting skal gerast fyrst, áðrenn Løgtingið verður biðið um pengar. Hetta hevur Landsverk víst á í nógv ár. Landsstýrismaðurin er samdur
Mynd: Savnsmynd  
Landsstýrið eigur ikki at gera verklagslógir, fyrr enn verkætlanirnar eru komnar so langt, at til ber at siga, hvussu nógv tær kosta
11.01.2017 - 08:06
 

Ein neyv kostnaðarmeting skal gerast fyrst, áðrenn Løgtingið verður biðið um pengar. Hetta hevur Landsverk víst á í nógv ár. Nú sigur Henrik Old, landsstýrismaður, tað sama í svari til Hilbert Elisson, løgtingsmann.

Hilbert Elisson spurdi, um landsstýrismaðurin hevur nakra ætlan um at broyta háttin at stýra byggiverkætlanum, sum Løgtingið hevur samtykt við verklagslóg.

SÍ EISINI Verklagslóg eingin trygd fyri at játtan heldur

Henrik Old sigur, at sambært kunngerð um íløgujáttanir skal verklagslóg vera samtykt og játtan tøk, áðrenn farið verður undir at byggja.

Men ikki fyrr enn arbeiðið er boðið út og tilboðini eru komin, ber til at siga, hvussu nógv byggingin kostar. Ofta samsvara játtan og kostnaður ikki.

Glasir eitt »gott« dømi

Høvuðsorsøkin til ósamsvarið er, at verklagslógir verða gjørdar, áðrenn ein faklig kostnaðarmeting er gjørd, sum byggir á veruligu krøvini til verkætlanina. 

Dømi eru um, at kostnaðarmetingar, sum verða gjørdar, áðrenn forprosjektið er gjørt, eru upp í helvtina bíligari ella dýrari enn veruligi kostnaðurin er. Glasir er dømi um ósamsvar millum byggikostnað og játtanarkarm.

Verklagslógin varð samtykt politiskt, og kostnaðarætlanin varð fastløgd, áðrenn byggiskráin, sum lýsir krøv, ynski og tørv hjá ánaranum og brúkaranum, varð gjørd. 

SÍ EISINI Radarin: Óvist nær skúladepilin verður liðugur

Tá so verkætlanin varð boðin út og tilboðini komu inn, vóru lægstu boðini 155 milliónir krónur hægri enn játtanin.

Eitt annað dømi er Viðareiðistunnilin, sum Landsverk metti fór at kosta 187 milliónir krónur. Løgtingið játtaði 162 milliónir.

Ein annar trupulleiki er, sigur Henrik Old, ósamsvar millum tíðarætlan og íløguætlan. 

Ikki grundast á politiskar avgerðir

Hetta tarnar byggingini, tí játtanin ikki fylgir gongdini í byggitíðarskeiðinum. Byggingin verður órógvað og byggitíðin brotin. 

Játtanin til bygging hjá landinum má fyrst og fremst byggja á byggifakligar metingar og ikki vera grundað á eina politiska avgerð, sum bara hevur atlit at fíggjarlógini. 

Henrik Old mælir til, at pengar verða játtaðir í fíggjarlógini, so verkætlanin kann fremjast uttan steðg yvir fíggjarár, at játtan og bygging fylgjast til liðugt er at byggja.

 

Les eisini

matstova, matstovuvinna, KOKS, ferðavinna, matur, matvørulógin

Michelin-stjørna mettar hinar matstovurnar

Michelin-stjørnan hjá KOKS er ein gyltur møguleiki hjá øðrum matstovum í Føroyum, sum eisini fara at kenna ágóðan av viðurkenningini hjá KOKS

Tíðindi

poul_andrias.jpg

VIDEO: Frá pitsakokki til Michelin-stjørnu

Mini-portrett: Tað lá ikki í kortunum, at Poul Andrias Ziska skuldi gerast Michelin-stjørnukokkur.

Jenis av Rana - Strika fríhandilsavtaluna við Turkaland

Jenis av Rana heldur lítið um handilsavtaluna við Turkaland, sum er farið illa við føroyskum trúboðara.

16864688_621214524743193_676558381782017567_n.jpg Undirskriftainnsavnan: Vegastrekkið er hættisligt

- Um einki verður gjørt, koma vit helst at síggja fleiri ferðsluvanlukkur. Vegastrekkið við Brúnna við Streymin er lívshættisligt, sigur Sonja Dam

ALS, Arbeiðsloysisskipanin Arbeiðsloysið er størst millum ungar kvinnur

Kvinnur í aldrinum 25 til 35 ár eru harðast raktar av arbeiðsloysi, vísa tøl frá Hagstovuni.