Sernám húsvilt í Suðuroynni

12.01.2017 - 13:23
AktueltSamfelag
Sernám húsvilt í Suðuroynni
Leigumálið í Vági varð uppsagt í fjør, og starvsfólkini at arbeiða nú við hús
 

Sernám er húsvilt í Suðuroynni, hóast skrivstovuhøli eru tøk í Vági.

Tey bæði starvsfólkini hjá Sernámi, sum búgva í Suðuroynni, - tey búgva í Porkeri, arbeiða heima við hús.

Men Tvøroyrar kommuna vil hava Sernám at vera á Tvøroyri. Ta avgerðina hjá gamla býráðnum staðfesti nýggja býráðið einmælt mánakvøldið.

Sernám hevði skrivstovu í Vági til 1.apríl í fjør, tá leigumálið varð uppsagt. 

Gamla SEV-húsið

Vágs kommuna fann Sernámi annað høli, gamla SEV-húsið, sum kommunan eigur. Har standa innbúgv og kassarnir við journalunum hjá Sernámi. Men tey arbeiða ikki har.

Tvøroyrar kommuna vil hava Sernám til Tvøroyrar, tí har eru Barnaverndin, ergoterapi og fysioterapi fyri børn, og eftir 1.august í ár vera skúlatilboðini hjá Sernámi, sum nú eru á Tvøroyri og í Vági, øll á Tvøroyri, sambært Tvøroyrar býráði. 

Býráðið heldur tað vera skilabest at hava alt hetta fakliga umhvørvið á sama staði.

Býta raksturin

Tær sjey kommunurnar í Suðuroynni býta raksturin hjá Sernámi í oynni millum sín. Útreiðslan er ikki stór. Hjá Tvøroyri, sum er størsta kommunan í oynni, er hon 34.000 kr. um árið.

Borgarstjórin í Vági skrivaði beint fyri jól til allar kommunurnar í Suðuroyni og bað tær taka undir við, at Sernám verður verandi í Vági.

Fýra kommunur hava játtað, sigur Dennis Holm, borgarstjóri í Vági. Hetta eru kommunurnar sunnanfyri í oynni. Hann hevur ikki frætt frá kommununum norðanfyri. 

Leggja seg ikki út í málið

Emmy Joensen, stjóri á Sernámi, sigur, at Sernám leggur seg ikki út í ósemjuna millum kommunurnar í Suðuroynni. 

Sernám fer ikki at siga, hvar er best at vera, í Vági ella á Tvøroyri.

Kristin Michelsen, borgarstjóri á Tvøroyri, sigur, at Sernám eigur at vera á Tvøroyri, tí har er fakligi førleikin.

Kristin Michelsen sigur, at Tvøroyrar kommuna hevur ikki boðið Sernámi høli á Tvøroyri, men tað hava, sum skilst, onnur gjørt.     

 
Nýggjastu sendingar í ÚV
Mánadag 9. desember
Jazzofonin: Tónleikur frá GRP
101990
Mánadag 9. desember
Jazzofonin: Kend popp-løg í jazzi
101989
Mánadag 9. desember
Morgunlesturin mánamorgunin 9. desember 2019
101974
Mánadag 9. desember
TEMAPLÁTAN: "21" hjá Adele í 2011
101980
Sunnudag 8. desember
Meg minnist: Absalon Absalonsen (3:3)
101852
Nýggjastu sendingar í SV
Sunnudag 8. desember
Andakt við Marjuni í Kálvalíð
101975
Sunnudag 8. desember
Møti úr Nebo á Toftum
101977
Leygardag 7. desember
Úr savninum: Frætt & fregnað 11:12
101962
Leygardag 7. desember
Úr savninum: Matur og matgerð - røst riv
101961
Hósdag 5. desember
Sí sendingina: Ein dagur í Nuuk
101848