Röddin

VIT

 

Umvæla Eirargarð fyri 25 mió. kr.
Mynd: Savnsmynd  
Bústaðirnir eru í so ringum standi, at fyri einum ári síðani vórðu tey, sum har búðu, flutt í bráðskundi
12.01.2017 - 08:01
 

Eirargarður í Havn skal dagførast fyri 25,5 mió. kr.

Landsstýriskvinnan í almannamálum, Eyðgunn Samuelsen, fer at biðja løgtingið um pengar til at umvæla Eirargarð 14 og 16, sum eru bústovnar hjá fólki, ið bera brek.

Bústaðirnir eru í so ringum standi, at fyri einum ári síðani vórðu tey, sum har búðu, flutt í bráðskundi, tí bæði soppur og leki vórðu staðfestir

Nógvir bygningar hjá Almannaverkinum í Suðurstreymi eru ikki í nóg góðum standi, vísir kanning, sum varð gjørd í mars 2015.

Ikki egnaðir til endamálið

Almannaverkið hevur 71 bygningar í øllum landinum. 24 teirra eru í ringum standi, og av teimum 24 eru 22 í Suðurstreymi. 

Nógvir bygningar eru als ikki egnaðir til endamálið, sigur Almannamálaráðið. 

Í summum bygningum er støðan so ring, at pláss standa tóm, hóast bíðilisti er.   

Ætlanin er fyrst at umvæla Eirargarð 14. 

 

Tíðindi

Søvn Landsins

Vinmaður eftirmetir vinmann

Tað er tætt samband millum Andras Mortensen og Jóan Paula Joensen, sum fyri jól metti um tvær kærur um Andras Mortensen.

Anders Gerber Upptakt: NSÍ vil meira enn í fjør

Hópurin er styrktur og NSÍ hevur sett sær høg mál fyri komandi kappingarár

170123_3_2_kyndil_stif._0057.jpg VIDEO: StÍF stríddi seg til sigurin

Hóast Sveinur Justinussen fekk beinleiðis reytt kort í fyrra hálvleiki, so stríddi StÍF seg til sigur á Kyndli í fyrsta umfari í steypakappingini

Atom rakett Bretsk kjarnorkurakett mundi rakt USA

Bretski forsætisráðharrin Theresa May er komin undir trýst at fortelja, hvussu nógv hon visti um eina kjarnorkurakett, sum fór av kós í summar.