VW dømt í USA fyri svik um útlát

12.01.2017 - 09:14
AktueltSamfelag
VW dømt í USA fyri svik um útlát
Týski bilframleiðarin skal rinda 30 milliardir krónur í bót. Svik er avdúkað í 11 milliónum bilum
Mynd: Savnsmynd  
 
 

Volkswagen er dømt í málinum, sum er reist móti felagnum í USA. Revsingin er hin størsta, sum ein bilframleiðari hevur fingið í USA nakrantíð.

Amerikanska løgmálaráðið upplýsir eisini, at seks av  leiðarunum hjá týsku bilframleiðara-samtøkunii eru ákærdir í málinum. 

- Í fleiri ár hevur Volkswagen marknaðarført sínar bilar sum umhvørvisvinarligar. Men kanningin vísur, at tað eru teir ikki. Hundrað túsund tals bilar eru seldir í USA, og teir hava pumpað út stórar nøgdir av nitrogen-oksid út í luftina.  Tað er upp í 40 ferðir meira enn loyvt er. Harumframt høvdu bilarnir telduskipan, sum fjaldi útlátið, segði Loreta Lynch, ríkisadvokatur, á tíðindafundi.

Semja gjørd

Volkswagen róði týsdagin framundir, at felagið var á gáttini til at gera semju við amerikanskar myndugleikar í málinum,  og tað er eisini váttað í Washington í gjár.

Volkswagen og USA eru samd um, at bilframleiðarin skal rinda 4,3 milliardir dollarar fyri svik við útláti av dálkandi evnum frá dieselbilum. Í okkara peningi er bótin 30 milliardir krónur.

Hetta kemur aftrat teimum 17,5 milliardum dollarunum, sum Volkswagen longu hevur játtað at rinda bileigarum og bilasølum, og fyri umhvørvisupprudding.

Svik í 11 millónum bilum

Tað var í september í 2015 at amerikanskir umhvørvismyndugleikar avdúkaðu svik í 11 milliónum bilum frá týska bilframleiðaranum, Volkswagen. 

Í dieselbilarnar var sett ein telduskipan, sum tá bilurin var til eftirlit, vísti, at bilurin als ikki dálkar so nógv, sum hann í veruleikanum gjørdi. 

Sí eisini

18.04.18
79979
Nýggjastu sendingar í ÚV
Leygardag 21. apríl
- Gagnar sannleikin nøkrum?
80099
Leygardag 21. apríl
Morgunlestur leygardagur 21. apríl 2018
79724
Fríggjadag 20. apríl
Morgunlestur fríggjadagur 20. apríl 2018
79723
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843