- Tíðindi, mentan og ítróttur
Føroyar yvirtaka loftferðsluøki
Hesum boðar Vinnumálaráðið frá í fráboðan, eftir fund millum landsstýrismann, Poul Michelsen, og danska samferðslumálaráðharran, Ole Birk Olesen, í gjár.
Talan verður um ein tvíliðaðan leist, sambært Vinnu- og uttanríkismálaráðnum
Í fyrsta umfari verður arbeitt við, at føroyskir myndugleikar skulu umsita uppgávur, sum almenna danska fyritøkan, Naviair, í dag røkir í sambandi við flogferðslu til og úr Vága floghavn.
Í øðrum umfari verður farið undir at greina allar tættir viðvíkjandi tøkni, lóggávu, altjóða viðurskiftum og øðrum, sum skal verða lýst, áðrenn yvirtøkan av málsøkinum flogferðsla endaliga verður framd.
Avtalan er, at føroyskir myndugleikar leiða arbeiðsbólkin, og fyrsti parturin av arbeiðinum verður eftir ætlan liðugur í summar.
Poul Michelsen og Ole Birk Olsen umrøddu eisini spurningin um føroyskar luttøku í felags evropeiska loftferðslusamstarvinum, FELO.
Roknað verður við, at umboð fyri danskar og føroyskar myndugleikar hitta ES kommissiónina í næstum fyri at umrøða, hvussu komast kann víðari við málinum.