Merkel ynskir semju við Trump

Merkel ynskir semju við Trump
Týski kanslarin ætlar at varðveita viðurskiftini við USA. Verri er við hennara varakanslara, sum stúrir fyri handilsviðurskiftunum landanna millum.
 
21.01.2017 - 15:07

Týski kanslarin, Angela Merkel, ætlar at finna semju við Donald Trump um handil og hernaðarútreiðslur.

Tað sigur hon í viðmerking til røðuna, sum amerikanski forsetin helt í gjár, skrivar tíðindastovan Reuters.

Angela Merkel nevnir eisini í dag, at hon fer at arbeiða fyri at varðveita týdningarmikil viðurskifti millum Evropa og USA - eitt nú fíggjarviðurskifti og hernaðarlig viðurskifti.

 - Viðurskifti handan Atlantshav verða ikki minni týdningarmikil komandi árini, enn tað tey hava verið seinnu árini. Tað fara eg at virka fyri, segði Angela Merkel millum annað í dag.

Stúrin varakanslari

Týski varakanslarin, Sigmar Gabriel, er ikki eins blíður og kanslarin um útmeldingarnar hjá Trump um at minka samhandilin við Evropa og Asia í eini roynd at tryggja amerikansk arbeiðspláss.

Sigmar Gabriel, sum eisini er handilsráðharri í stjórnini hjá Angelu Merkel, endurtekur í dag, at Evropa kann vænta eitt torført tíðarskeið, ger USA álvara av ætlanunum at firrast frá Asia og Kina.

 - Ætlar USA at byrja eitt handilskríggj móti Kina og Asia, so standa vit sum evropearar og týskarar til reiðar at gerast samstarvsfelagar, sigur varakanslarin í samrøðu við rásina ZDF og leggur afturat, at Evropa og Týskland hava tørv á eini miðvísari handilsætlan mótvegis Asia og Kina.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585