Vesturland verður ikki gjørt aftur

25.01.2017 - 16:05
AktueltSamfelag
Vesturland verður ikki gjørt aftur
Skipið hevur fingið størri skaða, enn tað er tryggjað fyri
 

Garnaskipið Vesturland er vrak, og skipið verður ikki gjørt aftur.

Tað kostar meir at gera skipið aftur, enn tað er tryggjað fyri, og tí hevur Tryggingarfelagið Føroyar gjørt av, at skipið ikki verður umvælt.

Mortan Poulsen, stjóri í Tryggingarfelagnum Føroyum, sigur, at skipið er so illa brent, at talan er um ein totalskaða, og tí loysir tað seg ikki at brúka pengar upp á Vesturland.

Hann vil kortini ikki siga, hvussu nógv skipið varð tryggjað fyri.

Reiðaríið eigur skipið, sum tað liggur á Skála, og Tryggingarfelagið Føroyar ger ikki meira við málið, sigur stjórin.

Eldur kom í 7. januar

Eldur kom í Vesturland um middagsleitið 7. januar, tá skipið royndi við gørnum vestur av Føroya Banka. Tyrlan hjá Atlantsflogi tók teir 10 menninar upp, og fleyg teir til lands.

Brimil fekk enda umborð á Vesturland og sleipaði skipið á Skála, har tað hevur ligið síðani.

Sjófrágreiðing var um hendingina í Føroya rætti. Tá vóru skiparin, kokkurin og maskinmeistarin avhoyrdir. 

Umboð fyri donsku havarínevndina var í Føroyum og kannaði skipið, og fekk hjálp frá løgregluni og frá Sjóvinnustýrinum.

Frágreiðing verður skrivað um hendingina.

Tað eydnaðist ikki at fáa orðið á stjóran í Thor, Hans Andrias Kelduberg, men hann segði, tá eldur kom í skipið, at teir fara ikki at fáa sær annað skip, fyrr enn fiskivinnunýskipanin er sett í verk, tí tað kunnu so nógvar broytingar henda í hesum árinum.

 
Nýggjastu sendingar í ÚV
Leygardag 27. februar
Frá fyrsta Smirli til í dag - 5. sending
120880
Leygardag 27. februar
Funnu kinesararnir Amerika (1:2)
120696
Leygardag 27. februar
Jambalaja 270221
120891
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Nýggjastu sendingar í SV
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur:
120898
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790