SEV: Neyðugt at útbyggja Sundsverkið

SEV leggur seg seg út í kjakið, sum hevur seinastu vikurnar, um tørvin at útbyggja Sundsverkið.

Í einum skrivi, sent fjølmiðlunum seinnapartin, tvíheldur el-felagið um, at tað er neyðugt at útbyggja oljuverkið.

- Einki skilagott búskaparligt alternativ er til at byggja Sundsverkið út, staðfestir SEV, og leggur afturat, at tveir teir elstu og størstu motorarnir á Sundi kunnu ganga fyri.

 - Neyðugt er at hava eina álítandi tiltakstrygd, ið tekur um endan, tá ið grønu orkukeldurnar ikki eru nøktandi, ella møguliga ganga fyri av einari ella aðrari orsøk, stendur millum annað í skrivinum.

Pumpuskipan

Røkt hevur víst á, at felagið kann veita meginpartin av tí streymi, sum í dag kemur frá olju, við eini pumpuskipan oman fyri Vestmanna.

Men sambært SEV er einki boð upp á eina pumpuskipan, sum kann tryggja elveitingina.

 - Støðan í málinum um pumpuskipan er, at enn er munandi kanningararbeiði eftir at gera, sigur SEV í skrivinum.