26 mió. kr. til musikkskúlan í ár

27.01.2017 - 15:23
AktueltPolitikkur
26 mió. kr. til musikkskúlan í ár
Forkvinnan í mentanarnevndini hjá Tórshavnar býráð vónar, at byggisáttmálin verður gjørdur fyri 1. apríl
 
 

Tórshavnar kommuna fer nú at samráðast Húsavarðartænastuna, sum hevði lægsta tilboð at byggja musikkskúlan, og vónandi verður sáttmáli gjørdur um arbeiðið fyri 1. apríl.

Tað sigur Gunvør Balle, forkvinna í mentamálanevndini, við heimasíðuna hjá kommununi.

Eftir samtyktina í býráðnum í gjárkvøldið og broyttu fíggjarætlanini eru góðar 26 milliónir kr. tøkar at byggja musikkskúlan.

Fíggja restina í 2018 og 2019

Býráðssamgongan er samd um, at restin at fíggingini verður játtað á íløguætlanini fyri 2018 og 2019.

Musikkskúlin verður umleið 2600 fermetrar til støddar við stórum orkesturhøli, sum umframt at vera undirvísingarstað fyri stór kór og orkestur, eisini er ætlað til framførslur fyri 350 áhoyrarum.

Øll undirvísingarhøli eru serútgjørd, har serligur dentur er lagdur á bestu ljóðviðurskifti.  

Avgjørt er, at skúlin skal hitast við fjarhita, skrivar heimasíðan hjá Tórshavnar kommunu.

Nýggjastu sendingar í ÚV
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Mánadag 13. august
Morgunlestur mánadagin 13. august 2018
82946
Sunnudag 12. august
Arkitekturur á útoyggj - Skúvoy
83037
Leygardag 11. august
Frítíð og náttúra 5
84016
Nýggjastu sendingar í SV