- Tíðindi, mentan og ítróttur
Fyrrverandi sendimaður í Føroyum deyður
Fyrrverandi sendimaður í Føroyum deyður
Eiður Guðnason, sum var íslendskur sendimaður í Føroyum frá 2007 til 2009, doyði mánadagin
Mynd: visir.is
02.02.2017 - 09:28
Hann gjørdist 77 ára gamal. Eiður Guðnason var tíðindamaður í nógv ár, áðrenn hann fór upp í politikk í 1978.
Hann var í Altyðuflokkinum, sum var sosialdemokratiski flokkurin í Íslandi tá. Eiður Guðnason var bæði altingsmaður og ráðharri, til hann gavst í politikki í 1993.
Eftir tað var hann stjóri í íslendska uttanríkisráðnum og sendiharri í Kanada, Noregi og Kina. Hann endaði sína diplomatisku starvstíð í Føroyum.
Eiður Guðnason hevði nógv onnur álitisstørv, millum annað var hann í Norðurlandaráðnum. Kona hansara, Eygló Helga Haraldsdóttir, doyði í 2015.
Nýggjastu sendingar í ÚV
Nýggjastu sendingar í SV