Steinmeier nýggjur forseti í Týsklandi

12.02.2017 - 15:16
AktueltÚtheimurin
Steinmeier nýggjur forseti í Týsklandi
Fyrrverandi uttanríkisráðharrin hjá Angelu Merkel, samveldiskanslara, verður nú ríkisovasti
Mynd: Savnsmynd  
 
 

Fyrrverandi uttanríkisráðharrin, Frank-Walter Steinmeier, er valdur til nýggjan forseta í Týsklandi.

Tá atkvøtt varð í samveldistinginum í dag, fekk Steinmeier 931 atkvøður.

Bæði sosialdemokratarnir og tey konservativu styðjaðu hann til forsetavalið, teirra millum eisini Angela Merkel, samveldiskanslari.

Uttanríkisráðharri

Frank-Walter Steinmeier var uttanríkisráðharri í stjórnini hjá Angelu Merkel frá 2005 til 2009 og aftur frá 2013 til fyrr í ár. Hann hevur eisini verið varakanslari og formaður fyri tingmanningina hjá sosialdemokratunum í samveldistinginum.

Steinmeier tekur við sum forseti eftir 77 ára gamla, Joachim Gauck, sum leggur frá sær fyri aldur.

Forsetaembætið í Týsklandi hevur nú mest umboðandi týdning. Samveldistingið velur ríkisovasta fimta hvørt ár. 

Nýggjastu sendingar í ÚV
Nýggjastu sendingar í SV
Mánadag 16. oktober
3-2
Sunnudag 15. oktober
Andaktin
Sunnudag 15. oktober
Møti úr Frelsunarherinum
Hósdag 12. oktober
Kendir føroyingar: Kjølbro
Mánadag 9. oktober
3-2