Umhugsa aftur at gera tunnil

Umhugsa aftur at gera tunnil
Kannað verður nú, hvussu ein tunnil kann gerast av Hvítanesi til Krákagjáar í Havn, og hvussu nógv hann kostar
 
15.02.2017 - 08:03

Fyribils verður sagt, at hann kostar 80.000 krónur meturin. Ikki verður sagt, hvussu langur tunnilin verður. Uppskotið kemur frá Anniku Olsen, borgarstjóra í Havn.

Hon hevur sett fólk at kanna og koma við uppskoti um eina tunnilslinju av Hvítanesi til Krákugjáar, møguliga heilt til Hotel Føroyar.

Eitt boð kemur helst í næstu viku. Annika Olsen heldur, at ein slíkur tunnil verður neyvan dýrari enn ætlaða vegargerðin.

Kostnaðarmeting í næstu viku

Uppskotið er lagt fyri landsstýrið, og tað verður eisini lagt fyri býráðið at umrøða og taka støðu til. Tekningar og kostnaðarmeting koma helst í næstu viku.

Fyrst í oktober í fjør gjørdu Tórshavnar býráð og Samferðslumálaráðið annars semju um innkomuvegin til Havnar.

Og býráðið samtykti at fyrireika útbyggingina av vegakervinum í økinum, har sum innkomuvegurin skuldi gerast sambært semjuni við landsstýrið.

27 milliónir longu sett av

Kjakast hevur verið í mong ár, um hvar og hvussu innkomuvegurin til Havnar skal gerast. Okkurt er longu gjørt. Millum annað hevur ein brúgv staðið í hálvum gekki ovarliga á Sundsvegnum í nógv ár.

Í oktober í fjør varð sagt, at landið fyrireikaði arbeiðið at gera innkomuvegin, og hevur sett av 27 milliónir krónur til arbeiðið, sum skuldi byrja í ár. 

Eftir ætlan skal nýggi innkomuvegurin verða liðugur, tá Eysturoyartunnilin er liðugur.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585