Øll nevndin skiftast

16.02.2017 - 15:49
AktueltVinna
Øll nevndin skiftast
Væntandi verður øll nevndin í SEV skift á eykaaðalfundinum fríggjadagin 24. februar
Nevndin í SEV skal veljast av nýggjum eftir kommunuval. Kommunuval var í november
Mynd: Savnsmynd  
 
 

Jákup Suni Lauritsen, formaður í nevndini, sigur, at hann hevur skilt, at øll sjey økini, sum eru umboðað í nevndini í SEV, fara at skjóta nýggjar nevndarlimir upp á eykaðalfundinum.

Nevndin í SEV skal veljast av nýggjum eftir kommunuval. Kommunuval var í november. Sjey limir eru í nevndini, sum umboða Norðoyggjar, Norðstreym, Suðurstreym, Eysturoynna, Vágar, Sandoynna og Suðuroynna.

Nevndin skipar seg sjálv. Fyri fýra árum síðani vórðu tríggir nýggir nevndarlimir valdir, men fyri átta árum síðani varð øll nevndin skift.

Gjørt lánsavtalu fyri 1,6 mia.

SEV hevur gjørt avtalu við bæði útlendskar og føroyskar fíggingarstovnar um at læna til samans 1,6 milliardir krónur.

Ein milliard verður lænt úr amerikanskum fíggingarstovnum, og 600 milliónir verða læntar úr Svenska Enskildabankanum og føroyskum fíggingarstovnum, upplýsir Jákup Suni Lauritsen.

800 milliónir krónur verða nýttar endurfígging, og restin verður nýtt til at fíggja íløgur, millum annað at útbyggja motorverkið á Sundi.

Nýggjastu sendingar í ÚV
Nýggjastu sendingar í SV