- Tíðindi, mentan og ítróttur
Arbeiðsloysið tað lægsta í átta ár
Arbeiðsloysið tað lægsta í átta ár
Sambært nýggjastu uppgerðini hjá Hagstovuni var árstíðarjavnaða fulltíðararbeiðsloysið 2,3 prosent í januar mánaða.
22.02.2017 - 11:43
Í juli í fjør var arbeiðsloysið trý prosent, og síðani er talið minkað, mánað fyri mánað, niður í 2,3 prosent í januar.
634 fólk vóru arbeiðsleys í januar, tað eru 196 færri enn fyri hálvum ári síðani.
Størsta arbeiðsloysið er millum kvinnur í aldursbólkinum 25-34 ár, - har er arbeiðsloysið 5,1 prosent.
Minsta arbeiðsloysið er millum menn í aldursbólkinum 45-54 ár, - har er arbeiðsloysið 1,8 prosent.
Landafrøðiliga er arbeiðsloysið størst í Suðuroynni og Sandoynni, - har er arbeiðsloysið ávíkavist 3,4 prosent og 3,1 prosent.
Lægsta arbeiðsloysið er í Eysturoynni, Norðoyggjum og Vágum, har arbeiðsloysið er millum 1,6 prosent og 1,9 prosent.
Nýggjastu sendingar í ÚV
Nýggjastu sendingar í SV