Theresa May: Gerningsmaðurin ikki ókendur

Theresa May: Gerningsmaðurin ikki ókendur
Maðurin, sum í gjár drap minst fýra fólk og løstaði 40 onnur í London, er føddur í Bretlandi. Fregnartænastan, MI5, kendi mannin undan álopinum
Vælmannað løgreglulið uttan fyri parlamentið í Bretlandi eftir yvirgangsatsóknnina mikudagin. Løgreglan kendi til gerningsmannin undan álopinum, sigur bretski forsætisráðharrin
Mynd: AP  
 
23.03.2017 - 13:43

Tað segði bretski forsætisráðharrin, Theresa May, tá hon fyri løtu síðani helt røðu í tjóðartinginum. Bretskir myndugleikar halda, at yvirgangsmaðurin hevur fingið íblástur frá islamistiskum yvirgangsfelagskapum sum ISIS

Theresa May heitti á bretar um ikki at lata seg avmarkað í gerandisdegnum av hendingini.

"Einans við at halda fram, sum vit vanliga gera, kunnu vit vinna á yvirganginum og royndini at køva okkara fólkaræði," segði Theresa May, bretski forsætisráðharrin, millum annað í røðuni í tjóðartinginum.

SÍ EISINI Yvirlit: Yvirgangsálop í Evropa síðstu tvey árini

"Besta svarið til yvirgang finst í okkara gerandisatburði. Uttan fyri hesar múrar fara milliónir undir sín gerandisdag í dag - nógv fólk eru í gøtunum, nógv fólk eru á skrivstovum og í kaffistovum, og fólk fara í hesi løtu umborð á flogfør og tok á veg til London at vitja besta býin í heiminum."

"Tað er við hesum atburði, at vit finna besta svarið móti yvirgangi. Ein atburð, sum noktar at víkja, og greitt sigur okkara fígginda, at tit fara ongantíð at vinna. Vit fara at gera hetta við sama áræði og dirvi, sum tann løgreglumaðurin, ið legði seg millum yvirgangsmannin og okkum í gjár," segði May.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585