Signhild Joensen til HM og gull í Danish Open

05.04.2017 - 14:38
ÍtrótturSvimjing
Signhild Joensen til HM og gull í Danish Open
Signhild Joensen er flúgvandi í Danish Open, hon hevur vunnið gull, sett føroyskt met og svomið undir HM kravtíð á 200 metrum rygg
Mynd: Savnsmynd  
 
 

16 ára gamla Signhild Joensen er triði føroyingur, sum hevur svomið undir kravtíð til HM í Budapest í summar. Hetta hendi, tá hon á 200 metrum rygg eisini setti føroyskt met við tíðini 2.15.69 í innleiðandi kappingini í Danish Open fyrrapartin.

Men nú seinnapartin hevur hon svomið A-finalu í 200 rygg, har hon enn einaferð setti met, tá hon svam næstan tvey sekund skjótari, enn hon gjørdi fyrrapartin. Nýggja føroyska metið á 200 rygg er 2.14.01, og við hesi tíðini hevur Signhild Joensen eisini svomið meira enn eitt sekund undir nálatíðina, sum gevur eina gullnál við stjørnu. 

Umframt Signhild Joensen hava Pál Joensen og Óli Mortensen eisini svomið undir kravtíðina til HM.

Taka síni egnu met

Hetta hevur annars verið ein metrík kapping fyri serliga Róland Toftum úr Susvim og Signhild Joensen úr Ægi. Higartil hava tey sett føroyskt met heili níggju ferðir í donsku kappingini. Tað sermerkta er, at tey hava bæði sett met í innleiðandi kappingunum fyri síðani at taka síni egnu met aftur í finalunum.

Róland Toftum úr Susvim setti tvær ferðir met á 100 metrum bringu og eina ferð á 50 metrum. Hann tók metið hjá Páli Joensen á 100 bringu, sum var 1.06.40. Hetta var í innleiðandi kappingini, og longu í sjálvum finaluumfarinum tók hann sítt egna met, sum hann júst hevði sett. Nýggja føroyska metið á 100 metrum bringu á langgeil er nú 1.05.35.

Signhild Joensen hevur higartil sett seks føroysk met á Danish Open. Hon er okkara fremsti ryggsvimjari í løtuni, og metini hjá henni eru tvær ferðir á bæði 50 og 100 metrum rygg, og so megnaði hon eisini at seta met á 200 rygg tvær ferðir í dag. 

Fleiri gullmerki

Tað eru tó ikki bara met, sum regna niður yvir føroysku svimjararnar. Bæði Óli Mortensen og Magnus Jákupsson hava vunnið gullmerki. Óli vann gull á bæði 800 og 1.500 metrum frí og silvur á 400, meðan Magnus Jákupsson hevur vunnið gull á 100 og 50 metrum rygg. 

 

Nýggjastu sendingar í ÚV
Sunnudag 10. desember
Bolero
75319
Sunnudag 10. desember
Guðstænasta úr Miðvágs kirkju
75317
Sunnudag 10. desember
Harmonikuløtan
75313
Sunnudag 10. desember
Chrous
75312
Sunnudag 10. desember
Úr Svínoy til Havnar
75260
Nýggjastu sendingar í SV
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220
Mikudag 6. desember
25 minuttir: Christina Rosendahl
74870
Mikudag 6. desember
Savnsgull: Slóðin 1:3
75155