- Tíðindi, mentan og ítróttur
Dortmund-yvirgangur samband við IS
Tað upplýsur týski ákærumynduleikin, skriva Ritzau og Reuters tíðindastovurnar.
Enn eru kortini ikki prógv fyri, at maðurin, ið er undir illgruna, framdi bumbusprongingarnar, sigur ákærin.
Maðurin kom til Týskland í fjør gjøgnum Turkaland.
Ákærumynduleikin heldur, at maðurin hevur havt samband við limir í IS, meðan hann hevur verið í Týsklandi.
Tað var týsdagin, at tríggjar sprongingar vóru á vegnum, tá ein bussur við leikarunum hjá Dortmund kom framvið. Liðið var á veg á ítróttarvøllin í Dortmund, har teir skuldi spæla móti Monaco í fjórðingsfinaluni í Champions League kappingini. Tvey fólk fingu skaða av sprongini, ein teirra var Dortmund spælarin Marc Bartra.
Dysturin varð útsettur til í gjár, og úrslitið gjørdist, at Dortmund tapti 3-2.