Ultimatum er einki komið

21.04.2017 - 10:16
AktueltPolitikkur
Ultimatum er einki komið
Løgmaður átók sær í gjár at finna eitt semjugrundarlag og kom aftur við einum uppleggi um, hvat flokkarnir standa, sigur Poul Michelsen.
Mynd: © Savnsmynd  
 
 

- Eg kenni onki til nakað ultimatum ella nýtt uppskot frá samgongutinglimum um fiskivinnunýskipanina.

Tað sigur Poul Michelsen, formaður í Framsókn.

Røringur kom í gjárkvøldið í, tá tað ljóðaði, at Javnaðarflokkurin skuldi vera komin við nýggjum uppskoti ella skrivi í gjár.

Men formaðurin í Framsókn sigur seg ikki kenna til nakað uppskot ella ultimatum frá Javnaðarflokkinum.

- Semja fekst ikki hósmorgunin, og tá formenninir í samgonguflokkunum hittust aftur hósdagin, átók løgmaður sær at finna eitt semjugrundarlag - eisini í sínum egna flokki. Síðani koma løgmaður aftur við einum uppskoti um, hvar semjan kundi vera, og í Framsókn sóu vit møguleikar fyri at halda fram, men nakað skriv frá Javnaðarflokkinum hava vit ikki fingið, annað enn uppleggið frá løgmanni um, hvar flokkarnir standa, sigur Poul Michelsen í samrøðu við Útvarpið.

Høgni Hoydal, formaður í Tjóðveldi, sigur seg heldur ikki kenna til nakað nýtt uppskot frá Javnaðarflokkinum ella nakað ultimatum, men sigur at samskiftið hevur verið millum floksformenninar í samgonguni um ymiskar loysnir.

Løgmaður er farin av landinum í morgun.

Nýggjastu sendingar í ÚV
Hósdag 18. januar
Morgunlestur hósdagur 18. januar 2018
75361
Mikudag 17. januar
Bolero 14. des 2018
76598
Mikudag 17. januar
Bolero 7. des 2018
76597
Mikudag 17. januar
Morgunlestur mikudagur 17. januar 2018
75360
Nýggjastu sendingar í SV
Mikudag 17. januar
25 minuttir: Vigdis Hjort
74880
Mánadag 15. januar
3-2
76515
Sunnudag 14. januar
Andakt við John Færø
76505
Sunnudag 14. januar
Guðstænasta úr Kvívíkar kirkju
76476
Fríggjadag 12. januar
Lyst 1
76430