Heilsuhjálparar hava fingið nýggja forkvinnu

Heilsuhjálparar hava fingið nýggja forkvinnu
Mary Antonsdóttir vann á Ásu Holm, sum var forkvinna síðani 2008. Lønin skal upp, sigur forkvinnan
Limirnir í Heilsuhjálparafelagnum arbeiða millum annað á ellis- og røktarheimum, tað er í eldrarøktini.
 
24.04.2017 - 10:10

Mary Antonsdóttir er nýggj forkvinna í Heilsuhjálparafelag Føroya.

Mary Antonsdóttir bjóðaði sitandi forkvinnuni, Ásu Holm, av á aðalfundinum hjá Heilsuhjálparafelagnum leygardagin.

Mary Antonsdóttir hevur síðstu 10 árini starvast sum heilsuhjálpari á Tjarnargarði. Eisini hevur hon verið álitisfólk í nógi ár, og í 2013 var hon við til at stovna áhugafelagið Tign, sum virkar fyri tey, ið vegna brek ella aldur hava tørv á hjálp til persónliga røkt.

Lønin í valstríðnum

Í valstríðnum til at gerast forkvinna í Heilsurøktarfelagnum vísti Mary Antonsdóttir á, at lønarlagið hjá heilsurøktarum er ov lágt.

Samsvar er ikki millum løn og ábyrgd, og ein avleiðing av tí er, at færri og færri søkja arbeiði í eldraøkinum, segði Mary Antonsdóttir.

- Vit fáa ofta herðaklapp fyri, hvussu ófør og røsk vit eru. Alt gott um tað, men vit vilja virðismetast sum ein týdningarmikil bólkur á eldraøkinum og í samfelagnum. Har er lønarhækkan ein treyt fyri virðingini fyri okkum. Uttan fíggjarligt frælsi, er einki frælsi, segði Mary Antonsdóttir.

Ása var síðani 2008 

Umframt hægri løn, so er eisini neyðugt við støðugari, fakligari menning, bæði fyri at hækka støðið og fyri at gera tað meira áhugavert at starvast sum heilsuhjálpari og hjálparfólk, sigur Mary Antonsdóttir.

Nýggja forkvinnan í Heilsuhjálparafelagnum vil eisini hava hærgri normering til alsamt vaksandi arbeiðsbyrðuna á eldraøkinum. Hon vísir á, at eldraøkið er rakt av sparingum gjøgnum nógv ár, og fleiri og fleiri uppgávur verða lagdar á røktar-starvsfólkini, sum eru um at hokna undir arbeiðsbyrðuni.

Mary Antonsdóttir tekur við sum forkvinna í Heilsuhjálparafelagnum eftir Ásu Holm, sum hevur verið forkvinna síðani 2008.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652