Bretar koma til Føroya at kunnast um fiskivinnuna

Bretar koma til Føroya at kunnast um fiskivinnuna
Bretar eru vorðnir áhugaðir í føroyska fiskivinnu. Ein sendinevnd kemur til landið seinni í summar.
 
26.04.2017 - 08:46

Fyrst í juni kemur ein bretsk sendinevnd til Føroya at kunna seg um føroysku fiskivinnuna.

Tað var avtalað á fundi millum Høgna Hoydal, landsstýrismann í fiskivinnumálum, og bretska fiskimálaráðharran George Eustice í London í gjár.

Á fundinum umrøddu Høgni Hoydal og George Eustice mál av felags áhuga landanna millum, nú Bretland fer úr ES.

Teir báðir umrøddu framtíðar strandarlandasamráðingar, framtíðar fiskivinnusamstarv millum Føroyar og Bretland og framtíðar handilssamstarv millum Føroyar og Bretland. Eisini viðgjørdu Høgni Hoydal og George Eustice samstarvið í Útnorðuri og Norðuratlantshavi annars.

Sambært tíðindaskrivi frá Fiskimálaráðnum hava teir báðir váttað fyri hvørjum øðrum, at Føroyar og Bretland eiga at fara undir eitt tætt og vælskipað samstarv millum londini um málini, sum vórðu viðgjørd á fundinum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585