- Tíðindi, mentan og ítróttur
Her eru dýrastu almennu nevndirnar
Tíggju tær dýrastu almennu nevndirnar, og kostnaðurin fyri fastar samsýningar (kr.) Vanligir fundarpengar eru ikki íroknaðir.
Nevnd | Um mánaðin | Um árið |
Føroya Tele | 88.500 | 1.062.000 |
Atlantic Airways | 75.000 | 900.000 |
Posta | 56.500 | 678.000 |
Føroya Lívstrygging | 55.250 | 663.000 |
Eystur- og Sandoyartunlar | 54.000 | 648.000 |
Framtaksgrunnurin | 42.100 | 505.200 |
Smyril Line | 42.000 | 504.000 |
Als stýrið | 36.000 | 432.000 |
Stýrið fyri Búnaðargrunnin | 32.500 | 390.000 |
Vanlukkutryggingarráðið | 26.000 | 312.000 |
Tølini eru í yvirlitinum hjá Løgmansskrivstovuni. Tølini eru tó ikki dagførd, og Landsbankanevndin eigur at standa sum nummar trý í talvuni. Hon kostar 816.000 kr. um árið.
Sí eisini: Landsbankaformaður: Samsýningin er rímilig
Sambært nýggjastu tølunum brúkar Uttanríkis- og vinnumálaráðið nógv mest pengar uppá nevndarsamsýningar - tilsamans góðar 7 milliónir kr. árliga. Tað er næstan helvtin av samlaða kostnaðinum hjá landinum á 14,3 milliónir krónur.
Summir persónar eru limir í fleiri nevndum, og vinna soleiðis eina góða arbeiðsmannaløn bara við at sita í nevndum.
Eitt yvirlit av nevndarsessum kann síggjast her.