Uppskotið kemur í næstu viku

bannari
01.05.2017 - 16:22
AktueltPolitikkur
Uppskotið kemur í næstu viku
Í morgin fæst at vita, hvat stendur í semjuni, ið samgongan hevur gjørt um fiskivinnunýskipan. Sjálvt uppskotið verður lagt fyri tingið í næstu viku
 
 

Høgni Hoydal, landsstýrismaður í fiskivinnumálum, sigur við útvarpið, at hann í morgin fer at koma við einum tíðindaskrivi um, hvat stendur í semjuni.

Sjálvt uppskotið verður lagt fyri Løgtingið í næstu viku. Høgni Hoydal sigur, at neyðugt er at brúka hesa vikuna aftrat at fáa uppskotið liðugt.

Neyvan tíð til allar tríggjar viðgerðir

Tað var 24. apríl, at semja varð gjørd millum samráðingarfólkini hjá samgonguni um eina fiskivinnunýskipan. Men onki hevur verið sagt um, hvat stendur í semjuni, men tað verður so kunngjørt í morgin.

Sambært tíðarætlanini hjá Løgtinginum, fer Løgtingið í summarfrí í næstu viku, og tí fær tingið neyvan stundir at hava allar tríggjar viðgerðirnar av uppskotinum fyri summarfrítíðina. 

Men Páll á Reynatúgvu, løgtingsformaður, segði við útvarpið í síðstu viku, at hann fer at kalla Løgtingið saman aftur í summar, at viðgera uppskotið um fiskivinnunýskipan.

Má avgreiðast fyri ólavsøku

Uppskot, sum ikki eru samtykt, áðrenn nýggj tingseta byrjar á ólavsøku, detta burtur, og mugu tí leggjast framaftur av nýggjum. Tí má Løgtingið avgreiða málið fyri ta tíð.

Øll fiski- og veiðiloyvi fara úr gildi á nýggjárinum, og tí arbeiðir landsstýrið við einari nýggjari fiskivinnunýskipan. Eitt uppskot kemur afturat um fiskivinnunýskipan.

Tað er Sambandsflokkurin, ið kemur við einum uppskoti. Flokkurin hevur tryggjað sær undirskriftir frá samgonguni, so uppskotið kann leggjast fram, hóast tíðarfreistin er farin.

Nýggjastu sendingar í ÚV
Sunnudag 24. juni
Chorus
82586
Sunnudag 24. juni
Guðstænasta í Vágs kirkju
82585
Leygardag 23. juni
HM tíðindi 23. juni 2018
82572
Nýggjastu sendingar í SV
Mánadag 25. juni
Blank 8
82133
Mánadag 25. juni
3-2
82705
Sunnudag 24. juni
Møti úr Vitninum í Hvalba
82600
Sunnudag 24. juni
Andaktin
82597
Leygardag 23. juni
Video: Jóansøka 2018, 10mf
82582