Skeivt at læna Bústøðum pening

bannari
Skeivt at læna Bústøðum pening
Fólkaflokkurin vil ikki, at Bústaðir sleppa at læna pengar. Tað skeiklar bústaðarmarknaðin, sigur tingmaður hjá flokkinum
 
10.05.2017 - 12:38

Á álitinum hjá Fíggjarnevndini um lógaruppskotið hjá Kristinu Háfoss, landsstýriskvinnu, um at loyva Húsalánsgrunninum at læna 250 milliónir krónur í Føroyum til Bústaðir at byggja fyri endurtekur Jacob Vestergaard, at Bústaðir hava skeiklað allan bústaðarmarknaðin í Føroyum. 

Privatar verkætlanir mugu kappast við almenna bústaðarfelagið, sum hevur landskassan í rygginum, og harafturat fær bílig grundstykki frá kommununum, sigur Jacob Vestergaard. 

Skulu halda seg til upprunaliga ætlan

Í staðin fyri at økja virksemið við lántøku, kundu Bústaðir kapitaliserað gomlu útlánini, sum framvegis eru í Bústøðum, sigur Jacob Vestergaard. 

Hann heldur, at Bústaðir eiga at halda seg til upprunaligu ætlanina um at byggja til millum annað fólk við serligum tørvi fyri pengarnar, sum vóru í Húsalánsgrunninum.

Øll hini seks í Fíggjarnevndini taka undir við uppskotinum hjá Kristinu Háfoss. Løgtingið fer at atkvøða um uppskotið í morgin.

 
 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584