Landsstýrismálanevndin fund í morgun

19.05.2017 - 07:59
AktueltPolitikkur
Landsstýrismálanevndin fund í morgun
Løgmaður hevur latið nevndini sínar viðmerkingar um fyribils niðurstøðuna hjá nevndini í málinum um hjúnabandslógina
Jógvan Skorheim er formaður í landsstýrismálanevndini
Mynd: Savnsmynd  
 
 

Líkt er nú til, at løgtingið longu í dag fær at vita, hvat Landsstýrismálanevndin heldur um tað, at løgmaður legði grein 14, stykki tvey, í hjúnabandslógini í málsøkið hjá landsstýriskvinnuni í mentamálum, hóast hjúnabandslógin sum so ikki er yvirtikin enn. 

Tí eftir at Aksel V. Johannesen, løgmaður, segði við Útvarpið í gjár, at hann ætlar at lata nevndini sínar viðmerkingar um fyribils niðurstøðuna hjá nevndini klokkan átta í morgun, hevur nevndin ásett fund at vera í morgun klokkan hálvgum níggju.

Á skránni er kæran hjá Miðflokkinum um løgmann.

Andstøðan vil hava svar

Andstøðuflokkarnir vildu hava løgmann at svara fyribils niðurstøðuni hjá Landsstýrismálanevndini í kærumálinum um hjúnabandslógina, áðrenn málið kemur til aðru viðgerð og atkvøðugreiðslu í dag.

Flokkarnir siga, at tað er sera óheppið, at niðurstøðan frá Landsstýrismálanevndini ikki er løgtinginum kunnug, áðrenn málið kemur til aðru viðgerð í tinginum. 

Løgmaður hevur freist til týsdagin í næstu viku klokkan fýra seinnapartin at svara Landsstýrismálanevndini.

Nógv mál á skránni

15 mál eru á dagsskránni fyri tingfundin, sum byrjar klokkan hálvgum tíggju dag

Málið um broytingina í hjúnabandslógini er nummar sjey á skránni og tað seinasta, sum atkvøðast skal um.

Síðani skulu tingmálini, sum vórðu løgd fram mánadagin, hava fyrstu viðgerð. Tey eru sjey í tali. 

Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Guðstænasta úr Húsavíkar Kirkju
81259
Sunnudag 27. mai
Jazzofonin 23 mei 2018
81256
Sunnudag 27. mai
Jazzofonin 16 mei 2018
81255
Sunnudag 27. mai
Bolero 27 mei 2018
81254
Nýggjastu sendingar í SV
Sunnudag 27. mai
Andaktin
81248
Mánadag 21. mai
Hamferð - útgávukonsert
81054
Mánadag 21. mai
Andaktin
81074