Misálitið fallið

Uppskotið frá formonnunum í Sambandsflokkinum, Fólkaflokkinum og Miðflokkinum um misálit á Aksel V. Johannesen, løgmann, er fallið.

15 atkvøður vóru fyri, 17 ímóti og ein atkvøða var blonk.

Undir viðgerðini boðaði Kaj Leo Holm Johannesen í Sambandsflokkinum, at hann fór at atkvøða blankt.

Orðaskiftið um misálitisuppskotið varð drúgt. Tað vardi í meira enn seks tímar.