- Tíðindi, mentan og ítróttur
Stór náttúruvanlukka á Sri Lanka
Stór náttúruvanlukka á Sri Lanka
Umleið ein hálv millión menniskju eru flutt burtur frá húsi og heimi, undan herviliga monsun-regninum, ið hevur rakt landið.
28.05.2017 - 11:45
Tað upplýsir heilsumálaráðharrin í landinum, Rajitha Sena'ratne, sambært tíðindastovuni AFP.
Fleiri staðni á Sri Lanka hevur ongantíð regnað so illa, sum tað gjørdi fríggjadagin, og nógva regnið hevur ført til bæði vatnflóð og omanlop.
Sambært tilbúgvingini í landinum hava 126 fólk latið lív av ringa veðrinum, meðan 93 fólk framvegis ikki eru komin aftur í aftur.
Harumframt hava 50 fólk fingið somikið álvarsligan skaða í ringa veðrinum, at tey eru flutt á sjúkrahús.
Monsunregnið og vantflóðin er tað ringasta á Sri Lanka síðani 2003, tá fleiri enn 300 fólk lótu lív og 10.000 bústaðir vórðu løgd í oyði.
Nýggjastu sendingar í ÚV
Nýggjastu sendingar í SV