- Tíðindi, mentan og ítróttur
Heimsstjørna á venjingarlegu í Vági
Heimsstjørna á venjingarlegu í Vági
OL-gullvinnari í svimjing fyrireikar seg í Vági til heimsmeistarakapping
06.06.2017 - 10:45
Ein stór ítróttarstjørna venur í Vági í hesum døgum.
Talan er um litaviska svimjaran, Rūta Meilutytė, sum vann OL-gull í London í 2011. Hon eigur eisini heimsmetini í 50 metrar bringu og 100 metrar bringu á langgeil og stuttgeil.
Suðurrás skrivar, at 20 ára gamli svimjarin venur í Pálshøll í samband við fyrireikingar til HM í Ungarn í juli.
Rūta Meilutytė hevur fýra ferðir vunnið HM-gull, og hon hevur fimm ferðir vunnið EM-gull.
Hon sigur við Suðurrás, at hesaferð ynskti hon at sleppa til eitt stað, har umstøðurnar eru góðar og tað er friður at savna seg fult og heilt um fyrireikingarnar.
Nýggjastu sendingar í ÚV
Nýggjastu sendingar í SV