Kappróðurin verður 28. juni

18.06.2017 - 21:47
ÍtrótturKappróður
Kappróðurin verður 28. juni
Kappróðrarsambandið hevur tikið avgerð um at flyta kappróðurin á Sundalagsstevnu til 28. juni
Mynd: Savnsmynd  
 
 

Tað eydnaðist ikki at avgreiða kappróðurin á Sundalagsstevnu í gjár, tí hvirlurnar í støðum vóru upp í 18 metrar um sekundið. Tí varð róðurin í fyrsta umfari fluttur til í morgin, týsdagin 19. juni.

Í Suðuroy vóru tey misnøgd við tað. Har hava fólk sína dagligu gongd í skúla og til arbeiðis, og suðuroyingar kendu seg av somu orsøk noyddar at melda avboð.

Nú er kappróðurin so fluttur til mikudagin 28. juni ístaðin, so atlit verða tikin til so nógvar rógvarar sum tilber.

- Vit harmast um tað órógv hetta hevur havt við sær og vóna, at hetta kann skapa frið aftur um róðurin, skrivar Kappróðrarsambandið á heimasíðuni.

Nýggjastu sendingar í ÚV
Nýggjastu sendingar í SV
Týsdag 1. august
Upp á gólv
Týsdag 1. august
Upp á gólv
Leygardag 29. juli
Ólavsøkurøða løgmans 2017
Leygardag 29. juli
Video: Ólavsøka 2017, 10mf