Hetta elvdi til flóðalduna

19.06.2017 - 13:27
AktueltÚtheimurin
Hetta elvdi til flóðalduna
Arktisk kommando hevur nú kunngjørt eina mynd, sum vísir skriðulopið, ið elvdi til flóðalduna í Grønlandi um vikuskiftið
Hetta er økið, sum leyp leygarkvøldið, sum elvdi til ógvusligu flóðalduna í Karrat-fjørðinum í útnyrðingspartinum í Grønlandi. Økið er 300 ferðir 1100 metrar stórt
Mynd: © Arktisk kommando  
 
 

Tað var eitt 300 ferðir 1100 metrar stórt øki, sum leyp um vikuskiftið, ið elvdi til flóðalduna í Karrat-fjørðinum í útnyrðingspartinum í Grønlandi, skrivar Arktisk kommando á Facebook.

- Vit kunnu ikki siga, um tað var ein jarðskjálvti, sum elvdi til skriðulopið, ella um grótið var leyst, sigur Tine Larsen, jarðfrøðisgranskari, sambært grønlendska kringvarpinum, KNR.

Greinin heldur fram niðanfyri

Hildið verður, at fýra fólk doyðu í flóðalduni leygarkvøldið og uppaftur onnur fleiri fingu skaðar, tá flóðaldan rakti bygdina, Nuugaatsiaq, seint leygarkvøldið, skrivar grønlendska blaðið, Sermitsiaq.

Fólk í bygdini vórðu sunnudagin flutt burtur við tyrlu út á verjuskipið, Vædderen, sum liggur á fjørðinum. Vandi er framvegis fyri fleiri øðrum skriðulopum í økinum, sigur Arktisk kommandi í fráboðan.

Nýggjastu sendingar í ÚV
Týsdag 22. mai
Nón - beinleiðis av Sandi
81137
Mánadag 21. mai
Barnaheimið í Umanak 2(2)
80948
Sunnudag 20. mai
Hvítusunna
80888
Nýggjastu sendingar í SV
Mánadag 21. mai
Hamferð - útgávukonsert
81054
Mánadag 21. mai
Andaktin
81074
Mánadag 21. mai
FM í estetiskum fimleiki
81092
Mánadag 21. mai
Blank 3
80853